O Real Decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19 establece a suspensión de plazos durante a vixencia do estado de alarma:
Suspensión de prazos xudiciais.
Suspéndense termos e suspéndense e interrompen os prazos para todas as ordes xurisdicionais. O cómputo dos prazos renovarase no momento en que perda vixencia o presente real decreto ou, no seu caso, as prórrogas do mesmo.
Na orde xurisdicional penal a suspensión e interrupción non se aplicará:
- Procedementos de habeas corpus
- Actuacións encomendadas aos servizos do xulgado de garda
- Actuacións con personas detidas
- Ordes de protección
- Actuacións urxentes en materia de vixilancia penitenciaria
- Calquera medida cautelar en materia de violencia sobre a muller ou menores.
No resto de ordes xurisdicionais non será de aplicación a interrupción aos seguintes supostos:
a) O procedemento para a protección dos dereitos fundamentais da persoa.
b) Os procedementos de conflito colectivo e para a tutela dos dereitos fundamentais e liberdades públicas.
c) A autorización xudicial para o internamento non voluntario por razón de trastorno psíquico.
d) A adopción de medidas de protección dos menores.
Suspensión de prazos administrativos.
- Suspéndense termos e interrómpense os prazos para a tramitación dos procedementos das entidades do sector público.
- O cómputo dos prazos renovarase no momento en que perda vixencia o estado de alarma.
- A suspensión de termos e a interrupción de prazos aplicarase a todo o sector público.
Suspensión de prazos de prescrición e caducidade.
Os prazos de prescrición e caducidade de calquera accións e dereitos quedarán suspendidos durante o prazo de vixencia do estado de alarma.
