Divorcio xudicial
O procedemento para a obtención do divorcio cando existen fillos menores de idade é o seguinte:
– Redáctase un escrito de demanda solicitando a disolución do matrimonio así como do réxime económico matrimonial. Necesítase a contratación de Avogada e Procuradora.
– O Xulgado admítea a trámite e sinala unha data na que os cónxuxes comparecerán no xulgado para ratificarse na súa solicitude de divorcio para o caso de Mutuo Acordo.
– En caso de divorcio contencioso, darase traslado da demanda de divorcio ó cónxuxe e dispón dun prazo de 10 días para formular oposición ou conformarse cas peticións da demanda.
Documentación que debe adxuntarse:
Ata 1.000.000 € en sucesións por descendentes,
ascendentes e cónxuxe.
1. Certificado de matrimonio.
2. Libro de Familia.
3. Capitulacións matrimoniais (escritura Notarial de modificación do réxime económico matrimonial a separación de bens).
4. Certificado empadroamento.
Divorcio notarial
Os cónxuxes, cando non tiveren fillos que dependan deles, poderán acordar a súa separación matrimonial ou divorcio de mutuo acordo, mediante a formulación dun convenio regulador en escritura pública ante Autoridade Notarial.
Deberán prestar o seu consentimento ante unha Notaría do último domicilio común ou o do domicilio ou residencia habitual de calquera dos solicitantes.
Os cónxuxes no outorgamento da escritura pública deberán contar con asistenza letrada.
A documentación necesaria é a mesma que no caso de divorcio xudicial.
